Heading hidden

Que é o Itinerario de Educación na Fe?
Desde as súas orixes, a Familia Salesiana, e nela o Instituto das Fillas de María Auxiliadora (FMA) caracterizouse polo forte compromiso de comunicar o Evanxeo da vida ás novas xeracións, e en tal misión involucrou ás comunidades educativas coas cales comparte o proxecto educativo adheríndose á mesma paixón pola evanxelización.[1]

Partindo deste principio e participando da misión materna e educativa da Igrexa, privilexia, entre outros camiños posibles, a proposta da fe nun proceso educativo no marco de Iniciación Cristiá. “Neste proceso comprometémonos a asumir a mentalidade de itinerario e a personalizar novas formas para chegar ás mozas e aos mozos alí onde están, para educar a demanda de sentido” [2].

O Itinerario de Educación na Fe (IEF) é un proceso educativo global, segundo a lóxica da Iniciación Cristiá, que, tendo en conta a realidade do ser humano na súa integridade, guía e acompaña ao adolescente e ao mozo no camiño cara á maduración cristiá no mundo de hoxe.

[1] Cf. LOME, 1  - AMBITO PASTORALE GIOVENILE, Rilanciare una pastorale giovanile missionaria, vocazionale e sistematica. Collana PG 2, 2010.

[2] LOME, 79